“Wie komt met die ley?” E inteligencia Arubiano.

"Wie Komt met die ley?" E inteligencia Arubiano.

Den siman cu a pasa kisas algun di nos por a mira e video di nos Rubiano na zomercarnaval Rotterdam, un oompie cu afro y bigoti cu, ainda cu mi corda riba e video ta pone un sonrisa na mi cara. Shonnan, ta mi hendenan! Pero fuera di tur risa amistoso, rond mundo hende ta keda asombra ora nan tende cu nos ta papia 4 idioma. Un testament di nos inteligencia y adaptacion na necesidad turistico.

Lager geschoold
Asina mes gran parti di nos poblacion ta ‘lager geschoold’. Dicon esaki? E rason ta uno multifactorial. Tin estudio ta mustra cu ta falta di educacion primario den nos lenga materno, otro ta pon’e na e orario cortico di scol y enfasis grandi riba e involucramento di mayor. Di cual ambos den aña 2023 ta traha full time. Mas otro ta pon’e riba dificultad financiero social, caminda un gran parti ta perde motivacion pa persigui un estudio mas avansa y ta prefera di bai traha. Esnan mas critico ta punta dede riba nos sistema educacional y ta acusa e curiculo cu cada bes ta mas compacto y e klasnan cu cada bes ta mas popula sin recurso adecuado pa nos maestronan. Esaki ta frena e progreso educacional di nos muchanan. Ta un tiki mala suerte bo mester tin pa bo cai hopi atras cu scol.  

Con inteligente bo ta?
Na final, cuanto di nos kisas a pensa cu nos no tin e capacidad, caminda cu ta e sistema porta no ta adecuado pa saca lo maximo for di nos. P’esey, abo sa con inteligente bo ta? Inteligencia ta wordo getest riba diferente area y hunto nan ta duna un refleccion di bo capacidan cognitivo. Mayoria hende ta cai den e promedio y tur nan areanan di inteligencia ta riba e mesun nivel. E delaster aki nos ta yama un profiel harmonico. Algun hende tin capacidadnan hopi eleva, esaki nos ta yama hoogbegaafd. Algun otro hende tin capacidadnan bou di pormedio y esaki nos ta yama benedengemiddeld y den extremo intelectualmente limita. Ambos banda, esnan cu capacidad limita y eleva por topa dificultadnan den bida diario. Tin ora un hende por tin un profiel disharmonico tambe, caminda cu un area di inteligencia por ta relativamente mas halto, of mas bou, cu e otro areanan.  

Test bo mes!
Pa sa esaki di bo mes, ta yudabo reconoce e areanan di forsa y areanan di debilidad den bo funcionamento. Dunando bo e oportunidad pa fiha riba e abilidadnan cu ta yudabo bai dilanti, cu ta aporta na bo auto-estima y conocemento propio. Si abo of bo ser keri kier haya sa mas, no duda den aserca nos. Haya sa mas di bo profiel di inteligencia, asina yudando bo pa cu scol, trabou y bida en general.
​
Saludos, Psyched Aruba. 
Pa bo salud mental.