Bullying. Kico abo por haci?

3/4/2015

Bullying. Kico abo por haci?

Bullying ta pasa mas hopi cu nos ta kere. Si bo puntra cualkier hende si nan a yega di pasa den esaki, mayoria hende lo contesta cu si. Bullying no ta solamente 'e classico', e guy mas grandi na scol cu ta dal e otro mucha nan mas chikito y ta kita nan pan for di nan. Awendia bo por topa bully's tur caminda, na scol, na trabou entre collega, na gym y riba caminda. Y cu e tecnologia moderno, bullying a sali completamente for di man.

Pero.. kico ta e diferencia entre bullying y un joke? Esaki ta un pregunta importante pa haci na bo mes y tambe na nos muchanan.

Hopi mucha ta rasona cu bullying ta ora un mucha yora y si algo ta un joke e otro mucha ta hari. Pero esaki ta leu di realidad. Un mucha cu ta wordo gebullied por hari pensando cu si e tambe hari kisas e ora nan ta stop. Dus kico ta e diferencia entre bullying y un joke? E diferencia ta cu bullying;

Ta actonan dirigi na un hende of un grupo specificamente
Cu intencion di humila of hurt un persona of un grupo (pasa mal trip)
y esaki ta pasa regularmente (hopi biaha)

Picture of an angry looking prince Harry

Nos por parti bullying den tres tipo; bullying verbal ta e forma naunda un persona ta hurt un orto persona cu palabra of ta pon'e pasa mal trip. Entre nos hobennan esaki ta referi como 'tira palabra'.
E siguiente forma ta e bullying fisico. Aki un persona intencionalmente ta causa dolor y humilacion na un otro persona p.e. door di cada bes pusha of dal e persona.
Den nos hobennan nos por mira e tendencia tambe di 'wak otro cu cara frus'. Esaki tambe ta un forma di bullying, caminda un persona, regularmente, ta keda wak un otro persona cu un cara rabia. Hopi biaha esaki ta resulta den tira palabra y caba na bringamento.

Y por ultimo e cyberbullying, un fenomeno cu globalmente ta causa hopi daño na hobennan cu ta pasando den esaki. Den e caso aki un persona ta wordo gehurt y humila via internet p.e. rednan social manera facebook, snapchat, pero tambe via whatsapp y bbping. Esaki tin ora ta hasi'e casi imposibel pa stop e persona(nan) cu ta bully.
Un di e forma nan cruel di cyberbully ta e portet sunu di mucha muhernan menor di edad cu ta circula riba internet. E mucha muhernan aki na algun momento a saca potret di nan mes den nan bisti di Eva, a confia e potret aki na un of dos persona y despues di tempo esaki ta circula riba internet sin cu nan a duna permiso pa esaki. Esaki ta pone cu masha hopi hende ta wak, comenta y aserca nan den un forma hopi negativo. E efecto di esaki por ta hopi desastroso y na Merca tin varios ehempel naunda muchanan victima di cyberbullying a yega na extremo di caba cu nan mes un bida!

Un parti di e solucion pa stop bullying ta informacion y educacion. Bullying no ta bai stop tanten abo no pone un stop na dj'e. Esaki sigur ta conta pa esnan cu ta wordo gebullied y tur hende cu ta mira cu un persona ta pasando den esaki. Corda cu abo cu ta ripara cu un hende ta bully un otro, tambe ta responsabel pa stop esaki! Con? Si abo of un persona cu bo conose ta wordo gebullied, lanta para, expresa cu abo no ta forma parti di esaki y alerta esnan rond di bo. Esaki por ta bo mayornan, bo manager, bo director, bo docente di klas, authoridad policial etc. Informa nos hobennan cu esaki no ta 'snitch' esaki ta parti di bo derecho y di e otro persona su derecho! No solamente esnan cu ta wordo gebullied mester para pa esaki, pero HUNTO nos por

Picture of a black and white banner with the text

8 Comments

melvin

3/4/2015 04:58:54 am

Si mi tambe a pasa den bullying, hopi fastioso mes pero ora mi no por a wanta mas mi castigonan cumi twt haya na scol. Ma bai serca mi tata puntre kico mi hasi, mi tata ta e tempo ey un homber masha fuerte curpa bruto, ela bisami if you're not strong be smart and if you are smart make sure you become strong. Apply all necessary to achieve a destructive goal towards them. E ta sona malisimo e conseho dimi tata pero ma logra stop tur cos y ningun hende nunca mas a mete cumi na scol, dsp di aña nan cu pasa na cuminsa train mi curpa pami a yega na haya sa kico kiermen muscle strong, pero ta bo mente toch ta keda di ta esun mas stronger

izayra tromp

3/4/2015 07:39:51 am

si mi tmb a pasa Aden . eta dificil e momento ey Paso ta parse cu niun hende Kier judabo pero maltratabo . pero ma mustra nn cu nn no ta bay kibrami no kikko nn hasi. Paso niun hende tin cu wordo trata diferente 👌

Soledad

3/4/2015 08:59:58 am

A mi como mama ta bisa semper e bullying a existi,antes menos , ya cu no tabatatin lo cual nos ta yama e cyberbullying.Pesei abo como mayor mester tin un bon comunicasion y confianza cu bo yiu cuminzando di chikito.Mi tin dos yiu y semper ma sinjanan no tuma nada di ni un hende y respeta hende y no haci e joke ridiculo cu e mayoria di e muchanan ta haci contra otro,ya cu esei ta haci dolo na otro mucha.Y cu si ma hanja sa cu nan ta bullying un mucha,nan ta hanja nan castigo.Manera kita Nintendo,no laganan bai Cinema etc,etc.

angel

3/4/2015 12:11:10 pm

Mi jiu homber di 11 anja ta wordo molestia na skol pa un grupo di muchanan di su mesun class. Verbally y ta cuminza bira fisico the na e punto cu e a menciona cu no kier biba mas. Mi a papia cu juffrow pero no tin mehoracion.

Mi no sa kiko pa hasi, e mucha su selfstem ta Hopi abow.

3/4/2015 11:03:39 pm

Angel,si bo no por yuda bo yiu hibe serca un Psicologo,bai corant,polis y denuncia esaki.Y pidi un meeting con e cabezante di School.Encurasha bo yiu bise cuanto bo ta stime cu bo no ta bai lague na caya.Otro consejo manda bo yiu pa practica cualquier deporte de contacto fisico o defensa personal.Judo por ejempel. Mi ta consehabo esei pasobra cu mi yiunan a funciona.Y por ultimo si ni un hende ta wory cu e problema ,bai bo mes o manda algun primo o amigo mas grandi di bo yiu,pa caba cu e problema.Na bon o na malo e abuso aki mester caba,prome cu ta laat pa bo yiu.Dios bendishonabo boso.

Angel

3/5/2015 10:13:29 pm

Soledad:
Hopi danki pa e conseho, mi a cuminza cu un par di nan caba. Mi lo keda traha riba dje.

Keyla

3/6/2015 02:23:54 pm

Como un persona hopi involvi den comunidad y medio di telecomunicacion recientemente, mi a haya mi mes confronta cu e fenomeno di Cyber Bullying. Nunca mi a pensa cu ami lo ta un persona cu lo pasa den un situation asina simplemente paso mi tin un bon relacion cu mayoria di mi colega nan di scol y amistadnan. Social media ta un trend aworaki, y e ta e manera mas fasil pa e "bully" por tenta of pone un persona sinti malo, vooral riba e website nan manera "ask.fm" cu bo tin e option di keda anonimo y puntra un persona un pregunta cu mayoria biaha ta caba na manda comentario nan vulgar y insulto. E ta algo fastioso pa deal cu ne, pero desde cu ami a pasa aden, mi a cuminsa post mas cos di bullying possible pa asina otro studiante nan of mucha nan cu ta dealing cu e problema aki tambe por haya un curashi pa para e fenomeno aki. Bo no mester ta un persona cu no tin amistad pa por get bullied, e por pasa cu tur hende, no matter kico ta bo status social, edad, color, sexo etc. E ta importante segun ami cu na scol maestro nan y mayornan educa nan yiu ariba e tema aki y sinja nan yiu pa no ta bully den un otro hende su bida paso palabra ta haci dolor y nan por causa danjo cu ta tuma hopi tempo pa recupera di dje. Mi ta spera cu nos por haci uzo di social media di mes manera, pero pa educa mas hende tokante bullying, y purba combati e problema aki :)

3/7/2015 08:46:42 am

Keyla un pregunta cu mi tin pabo pasobra mi no a compronde full bo comentario. Ora bo ta bai den e riba e website nan manera "ask.fm" cu bo tin e option di keda anonimo y puntra un persona un pregunta cu mayoria biaha ta caba na manda comentario nan vulgar y insulto. E hendenan ta bai manera anonimo? cu nan por insultabo sin bo sa ken nan ta? Mi tin un pagina cu mester ta public pasobra Face book asina ta exigi,pero einan tambe mi por denuncia, reporta o blokia cometario o palabranan di insult.Mi no sa con esei cu bo ta papia ta traha,pero un cos so mi sa cu e Social media nos mester ta hoooopi cuidadoso y bon wowo habri.Pasobra tin hende cu ta haci hoopi dolo y causa problema via esaki.Cumidamento.

BLOG