Ehercicio di Rosea pa Relaha y Reduci Stress

Ehercicio di Rosea pa Relaha y Reduci Stress

Scucha di bo curpa y percura pa dun'e su momento di sosiego y pas interno. Esaki bo por logra via un ehercicio di rosea y relahacion muscular. Bo por uza e ehercicio aki pa 'de-stress' cualkier momento di dia pero tambe pa yuda bo drumi mas mihor anochi, pa conecta cu bo curpa y sinti bo mas calmo y mihor.

Cu e ehercicio aki nos ta bai pone bon atencion na e tecnica di rosea y atencion na relahacion muscular.

E manera mas mihor di hala rosea ta via bo bariga. Ban practica e tecnica aki;

1. Pone bo man nan riba bo bariga, asinaki bo por sinti con bo ta hala rosea
2. Hala rosea paden y sinti con bo bariga ta yena
3. Exhala, rosea pafor y sinti con bo bariga ta bira plat
4. Hala rosea paden den conteo di 101, 102, 103
5. Wanta rosea pa un seconde prome cu exhala
6. Exhala, rosea pafor den conteo di 101, 102, 103 
7. Ripiti e ehercicio aki, preferibel sinta of drumi den un lugar trankilo

Ora cu bo ta sinti cu bo tin e tecnica bou di control nos por pone mas atencion na e relahacion muscular. Esaki ta e parti mental y ta sumamente poderoso. Mientras cu bo ta hala rosea manera a splica anteriormente no ta necesario pa bo pone bo man riba bo bariga. Pone bon atencion pa no exhala rosea mucho liher. Den e parti aki nos ta bai relaha nos musculonan cu cada rosea, ban practica esaki un rato;

Haci bo ehericio di relahacion den e posicion mas comfortabel pa bo, p.e. dor di pone un cusinchi bou di cabes y rudia of dor di drumi cu pia nan poko mas eleva. Experimenta cu bo posicion di yoga preferi of simplemente confortabel den bo stoel. Sende un bela of sensia cu bo ta gusta. Pone un cancion toca na volumen abou. Kisas un cancion cu bo ta gusta y cu ta trece recuerdo nan placentero. Try out un mantra/chant y hunta bo curpa cu bo crema preferi. Regala bo curpa y mente regularmente e ehercicio aki, bo merece <3

Hala rosea usando e tecnica menciona. 
1 2 3
Hiba bo atencion na bo cara y cu cada rosea relaha e musculo nan di bo frenta.
1 2 3
Relaha e musculo nan di bo boka.
1 2 3
Cu cada rosea relaha e musculo nan di bo schouder.
1 2 3 
E musculo nan di bo brasa.
1 2 3 
Bo man.
1 2 3 
Bo dede di man.
1 2 3 
Bo bariga.
1 2 3 
Bo pia.
1 2 3 
bo tenchi.
1 2 3
Gosa di e sinti di relahacion completo.
1 2 3 
Hiba bo atencion na cualkier lugar den bo curpa cu ta sinti tenso y relaha e musculonan.
1 2 3 
Rosea profundo paden, energia positivo.
1 2 3
Rosea profundo pafor, energia negativo.
1 2 3 
Gosa di e sinti aki.
<3